На данную новость получен ответ Ошто эл жашаган жерде чачылып жаткан белгисиз дарылар жок кылынды – жооп
«Ош шаарындагы Төлөйкөн айылында шагыл ишканасынын жанында мөөнөтү өткөн белгисиз дары-дармектерди адамдар жашаган жерге таштап жатышат. Бул сүрөттөр кечээ, 5-июлда саат 11:00 чамасында тартылды. Дарылардын жакында эле ташталганы көрүнүп турат. Себеби күнгө туруп эскирген же жамгыр тийгени байкалбайт. Дарылар өтө көп ташталган. Бир топ аралыкка чачылып жатат. Аны айылдын жаш балдары оюн көрүп бир нерсе кылса зыян тартышы мүмкүн. Адамдарга, мал-жандыктарга кооптуу болушу мүмкүн. Бул дарылар эмне болгон дарылар экенин эч ким билбейт. Саламаттыкты сактоо министрлиги же башка тиешелүү органдар кантип көзөмөл кылышат? Ушул маселе боюнча чара көрүлүшү керек. Коркунуч туудуруп жатат», - деп билдирди окурман.
Комментарии