Репортер Рус | Кырг
16+
Көйгөй
билдирүү

Нарында 93 жаштагы согуштун ардагери М.Алиев көз жумду

Нарында 93 жаштагы согуштун ардагери М.Алиев көз жумду
(өзгөртүлгөн: 12:11, 29 янв. 2018) 2254

Нарын облусунда Улуу Ата Мекендик согуштун ардагери Мамыш Алиев 93 жашында көз жумду. Бул тууралуу анын туугандары кабарлашты.

 

Мамыш Алиев Нарын облусуна караштуу Ат-Башы районунун Талды суу айлында 1924 жылы кедей дыйкандын үй-бүлөсүндө жарык дүйнөгө келген. Ал 1941-жылы 17 жашында Улуу Ата Мекендик согушка аттанган. Фашисттик баскынчылар менен күрөшүп, Австрия жана Бельгияга чейин барып элин-жерин коргогон.

 

1946-жылы жеңиш менен аман-эсен элин жерин коргоп, кайтып келген. Согушта көрсөткөн эрдиги үчүн көптөгөн медаль жана ордендер менен сыйланган.

 

М.Алиев 1947-жылы Батмабүбү Боогачиева менен үй-бүлө курат. Экөө чогуу 7 кыз, 6 уулду татыктуу тарбиялап өстүрөт. Ардагер башынан көп кыйынчылыктарды өткөрүп, фермада уй багып, бригадир болуп иштейт.

 

«Жубайынын 2005-жылы кайтыш болушу чоң атабызга оор жоготуу болгон. Балдарынын, неберелеринин сый-урматын көрүп, 2017-жылдын 9 декабрында кайтыш болду. Артында 63 небере, 75 чөбөрө, 5 кыбыра калды», - деп билдирди туугандары.

 

Тема боюнча: В Ат-Башинском районе поздравили ветеранов ВОВ.

1
3

Комментарии

Для добавления комментария необходимо быть нашим подписчиком
   

АКИpress'ке кирүү