Авлетимде жаңы мектептин курулушу башталды, – окурман (фото)

«Алыскы Аксы районунун Авлетим аймагындагы Ы.Акылбеков атындагы орто мектебинин эскилиги жетип, улам оңдоп түзөлүп, окуучулардын өмүрүнө коркунуч келсе дагы пайдаланылып келе жатат. Качан жаңы мектеп салынат деп жүрүп, бир топ агай эжекелер карып да кетишти. Мына эми буйруса мамлекеттин эсебинен эки кабаттуу заманбап мектеп курула баштады. Айыл тургундары, окуучулар мектептин курулушу башталганына кубанып, жаңы муундар жаңы мектептен тарбияланат деген чоң ишенимде турушат. «Көп түкүрсө, көл болот» дегендей айылдан чыккан азаматтар мектеп бүтсө жабдуу, жасалгалоо, көрктөндүрүү иштерине колдон келген жардамын аябайбыз деп убада кылышууда», - деп билдирди окурман.