Кербен шаарынын тургуну Шатманов көчөсүн оңдоп, таза суу маселесин чечүүнү суранат

Кербен шаарынын тургуну Шатманов көчөсүндө оңдоо иштерин жүргүзүүнү суранат.

Анын айтымында, бул көчөдө мектеп жайгашкан.

«Бул көчөнүн жолун оңдоо боюнча көчө тургундары акимге да оозеки кайрылганбыз. Суу маселеси менен барганда. Анткени жаз, жай мезгилдеринде бизде суу чыкпай, арабалап ташыйбыз.Аксы районунун акими жолго проект жазгыла, бюджеттин эсебинен оңдоп бере албайбыз, эгер көчө тургундары жазган проектиңер болсо, өткөрүп берем, деп жооп берген. Күз, кыш, жаз айларында окуучулар үчүн мектепке каттоо көйгөй жаратат. Эми таза суу проектиси кошумча болду», - деп жазат ал.